Archive | Општо RSS feed for this section

Модниот викенд-Скопје од 3 до 8 април

9 фев


„Kокев & Kадриу“, „Дума”, Ирина Тошева, Александра Митковска, Антонија Ристевска, Елена Лука, Kатерина Чукниева, Сара Сековска и Олгица Ѓоргиева се дел од дизајнерските имиња чии колекции ќе бидат пријкажани на Петтата сезона на Модниот викенд-Скопје што ќе се одржи од 3 до 8 април. Покрај ревиите и модните изложби, на програмата ќе бидат џетсет-забави и други ексклузивни настани што ќе се одржат на повеќе локации.
Во рамките на Модниот викенд ќе се организираат две иновативни случувања „Jazz & Fashion“ во партнерство со Амбасадата на САД и Македонската модна формација (MFF), како и наградниот натпревар за најдобар дизајнер на „Пелистерка“ – „Spark of inspiration“. Од Србија ќе гостуваат Тијана и Мила Поповиќ, а организаторите откриваат дека ќе има и други гости од странство.
Освен модата и последните трендови, организаторите на FWSK посветуваат посебно внимание на глобалните екотенденции кои се актуелни во целиот свет. Блискоста кон природата, ревиите на отворени локации и промотивните материјали од органско потекло ќе бидат важни моменти во новиот концепт на Модниот викенд-Скопје.

Софија Копола изгубена во модното шаренило (видео)

9 фев

Славната режисерка, позната по филмовите „Девствени самоубиства“, „Изгубени во преводот“ и „Марија Антоанета“, Софија Копола, го направи новото видео за Марни колекцијата на брендот H&M.

Главна хероина на видеото е младата актерка во подем Имоген Потс.

Ова не епрво модно видео за Копола, претходно ја режира рекламта на Miss Dior Cherie со Натали Портман

Креативниот свет на Викторија (видео)

9 фев

Колекцијата пролет-лето 2012 Victoria на  Викторија Бекам  креативно раскажана од  Quentin Jones.

Ивана Кнез ја промовира колекцијата „Стернум“

9 дек


Pознатата модната дизајнерка и костимографка Ивана Кнез вeчерва во 19 часот во своето студио „Драма“ во Скопје ќе ја промовира новата колекција за сезоната есен-зима 2011/2012, наречена „Стернум“.
Моделите се лично доживување на последната претстава која костимографката ја изработи во „Театра“-„Звукот на коските што се кршат“ од Сузан Лебо. Тоа е драма за изгубени детски соништа за време на војната во Конго. Експлоатација на детските души е главна инспирација во најновата колекција.
Користен е плексиглас како размена на идеи помегу Ивана Кнез и Горан Сиџимовски. Дизајнерката се обидува да ја долови приказната на детските солзи и изнудени животи во свои уникатни парчиња накит.
-Се обидов да го видам гламурот за кој се залагам од поинаква перспектива. Претставата ми покажа еден свет за мене досега непознат. Морав да најдам начин да го доискажам тоа што ми остана после изработката на костимите, и одбрав тоа да биде накитот кој ми е животна опсесија-вели Кнез.

Росица Мршиќ есен-зима 2011/2012

7 дек

Дизјанерката Росица Мршиќ со фотосесија ја промовира својата нова колекција за сезоната есен-зима 2011-2012. На фотографиите се појавува манекенката Ивана Гелева од модната агенција „Подиум“.
Основата на линијата на моделите е поврзана со облеката за скијање во 70-те, дополнета со приказ инспириран од бајковитите претстави на илустрациите на Arthur Rackham  и композицискиот пристап на работа на уметничката Sonia Delaunay. За острите скопски зими, моделите се изработени од фини волнени материјали со карактериситечен графички црно-бел израз, во комбинација со зелена боја.

Парчињата од колекцијата се дополнети со уникатен накит на младиот дизајнер Глигор Кузмановски. Негова лична инспирација за оваа колекција се пресликува во- Нешто чудно се случи во шумата… Сите животни пробаа од печурките.. Е тогаш се појавија и чудните солзи!…
Покрај во студиото на Мршиќ, колекцијата ќе може да се најде и во продавницата „Виа“ во Скопје. И оваа колекција ќе биде понудена на странските купувачи во концептуалните продавници во Софија, Виена, Дубаи и во бутици во Лозана, со кои македонската дизајнерка ја продолжува соработката и во наредната сезона.






Горан Сиџимовски промовира нова колекција накит

28 ное
Фото: Жарко Чулиќ

Младиот авангарден дизајнер на накит Горан Сиџимовски, под етикетата Flamboyant, утре (29.ноември) со почеток од 19 часот во промо-центарот „Паблик рум “ ќе ја презентира својата новата колекција за сезоната есен-зима 2011-12.
Во линијата, како и во претходните колекции на Сиџимовски, доминира плексигласот, чиј индустриски ефект е омекнат со вметнување на бисерот, преку кој авангардниот дух на накитот воедно добива и елегантна нота.
Плексигласот се јавува во две варијанти, проѕирен и црн, со што преку изоставување на употреба на боја, самиот дизајн доаѓа повеќе до израз. Формата е строга и геометриска.
Како заштитно лице на кампањата и инспирација за колекцијата се јавува актерката Билјана Танески, која што во целост ја претставува таргет групата: силна, индивидуална жена од која зрачи енергија и љубов, која изгледа уникатно. На самата промоција премиерно ќе биде прикажано и видеото за колекцијата во кое исто така се појавува Билјана Танески. Таа специјално за промоцијата таа ќе дојде од Италија.
Автор на промотивните фотографии е Жарко Чулиќ, а Сиџимовски соработуваче со арт-директорот Иван Ивановиќ и шминкерот Небојша Пешевски.
Од 2 декември колекцијата ќе може да се најде во продажба во „Драма Студио“.

Влијателните блогери дизајнираа чевли

17 ное


Шест влијателни модни блогери дизајнираа чевли за водечкото студио за чевли во Британија, SIX London. Авторите на блоговите Face Hunter, Stockholm Streetstyle, The Cherry Blossom Girl, Style Bubble, Style Salvage Steve и The Man Repeller, создадоа свои ултимативни решенија на чевли кои ги отсликуваат нивните животни стилови и модни преференции. Секој од моделите е уникатен и поинаков од другите. Тие не се поврзани по ниедна основа, ниту по боја, ниту по материјал, ниту по идеја…Six London е компанија која стои зад производството на чевли за брендови како Opening Ceremony и Bstore. Чевлите ќе се продаваат ексклузивно на farfetch.com и sixlondon.com.
Во продолжение се идејните решенија на блогерите.






Следи

Get every new post delivered to your Inbox.

Join 37 other followers